Insaan apni zindgi mei kai rishtey banata hai...jo rihtey banata hai ussai nibhata bhi hai...wo pyar karta hai...bahot pyar karta hai...us ristey or pyar ke liye wo sab kuch karta hai jo samne wale insaan ko khushi de....Par hum aisa kartey kyun hai..?Hum kyun kisi ke khushi ke baaren mei soch ker wo har chiz kartey hai jo ussai pasand aaye chahey wo sahi ho ya nahi..?Kya hum itne pyar mei hai..ki sirf dusron ki khushi ke baaren mei sochtey hai...?Ya itne selfish ke hum wo sab isliye kartey hai ki wo inssan bhi hume utna hi pyar de wapis ya humara ehsaanmand rahe....?
Kahin padha tha ki pyar ka matlab hai sacrifice...or sacrifice mei to sirf dena hota hai na...to hum uske badley kuch wapis pane ki soch ya ikcha kyun rakhtey hain...?Yani ye pyar nahi hai...agar nahi to fir ye kya hai ek sauda....?Jab tak humey pyar hai...jab tak hum us insaan ke liye kuch kartey kartey thak nahi jatey...hum ussai pyar ka naam dete hai...Par achanak jab wo insaan hume chorhker chaley jata hai...ya kuch pareshaniyan ho jati hai...to jo chize ya sacrifice humne pyar mei kiye they wo hum ginne lag jatey hai...kyun...?..kyun hume lagta hai ki humne us insaan ke liye itna kuch kiya par usne badley mei kya diya,,,?Ek sawal hai man mein kya jab hum wo sab us insaan ke liye kar rahey they..to kya hum ye soch rahey they ki wo uske badley hume kuch de...ya fir jab us insaan ki wish puri hone ke baad us insaan ke cherey pe jo khushi aati thi hum us ke liye sab kar rahey they...?
Jab hum kisi se pyar kartey hai..to uski ek khushi ke liye kuch bhi kartey hai..kyunki pyar mei hum humesha samne wali ki khushi dekhtey hai..pyar kabhi selfish hona nahi sikhata...agar humne kisi ko dilo jaan se chaha or usne uske badley humarey liye kuch nahi kiya to koi baat nahi..ap pyar karna chahtey they apne kiya..ap uski khushi ke liye sab karna chahtey they apne kiya...to kabhi ye mat socho ki usne kya kiya...balki is bat par garv karo ki apne pyar ki har rasm ko nibhaya ..apne rishta achey se nibhaya pyar nibhaya...wo agar is baat ko nahi samjh paya to uski nasamjhi hai ..apne to ussie har khushi di na...or pyar kabhi nafrat mei nahi badlta..chahe wo insaan pass rahe ya door...uski khushi humesha mayne rakhti hai....uske paass apki di hui chize hai to socho kisi bahane hi sahi aap uske pass to hain..apne jisai pyar kiya aap uska khayal humesha rakhtey hai...or dukhi kyun hona....faisley aap hi ke they na...or apne faislon par rona nahi garv karna chaiye ki apne koshish to ki...or jab koshish karoge tab hi to kamyab bhi hoge na...Pyar mei sacrifice bahot pyari chiz hai..usai karne ke baad is baat ka sukun rehta hai ki aapne pyar ko jiya...or sahi tarah se pyar nibhaya..raat ko sukun se so saktey hai...par agar is sacrifice ko ehsaan bana doge...to har chiz ka hissab mangne lagoge..or shayad hi kabhi sukun ki neend aayegi kyunki jab kisi pe humara karz hota hai t ussai pane ke liye hum din raat sochtey hai or karzdar se zyada hum pareshan ho jatey hai.....Arrey kar liya pyaar...de diya ussai jitna de saktey they...wo bhi kya yaad rakehnge ki koi bada dil wala mila tha ussai pyar karne ko.....Never stop loving someone..Stop thinking about ur sacrifices....Wo ishwar ya humarey mom dad kabhi nahi hisaab lagate jo bhi wo humarey liye karte hai..Kyunki wo humse pyar karte hai or unhe acha lagta hai hume khushiyan dene mei...Or hum unhi ka ek ansh hai...to humey bhi kuch aisa hi karna chaiye na....
