Is duniya mei har tarah ke log hain..par sab se mil pana asan nahi hota....par kismat ek aisi chiz hai jo har chiz ko tod sakti hai..or do alag alag insaan ko ek jagah lakar milwa sakti hai.......Kitna ajjeb hota hai na do inssan jo ek dusre se kabhi nahi miley or shayad kabhi socha bhi nahi hoga ki wo milenge...aakhir kar ek din miltey hai...bahot ache dost bhi ban jatey hai..jabki ho sakta hai kuch pal pehley wo inssan uske pass se hi guzra ho or usne dhyan bhi na diya ho or aaj wo sath hai....hum kisi ki taraf apne aap khichtey chaley jate hai bina ye jane ki akhir aisa kyun ho raha hai...kyun uski har baat achi lagti hai..kyun uska sath acha lagta hai....tab lagta hai ki kismat shayad hume milana chahti thi....or hum khush hotey hai ki humari kismat kitni achi hai ki wo jisse hum chahtey hai humarey sath hai..........
phir ek din sab alag sa ho jata hai..........jis inssan ko humne chaha itna samjha....kismat ka taufa mana...ek dum badal hua nazar aata hai...kya ye bhi kismat ka hi koi khel hai ki wo pehley hume milaye wo sare sapne dikhaye jisse badhkar kuch nahi lagta ..or jab hum un sapno mei kho jaye to wo ek din aisa sach dikhaye ki hume ye bhi yakin na ho ki kya ye mein hun,,,ye meri zindgi hai ye wo hi inssan hai jo mere liye sab kuch tha....or sab bikhar jata hai....agar kismat ko hume us inssaan se dur hi karna hota hai jisse hum ab apna man chukey hai to milati kyun hai....
Jab tak hum in sab chizon se ladh rahey hotey hai ki mere sath hi aisa kyun....achanak fir koi anjan zindgi mei aata hai...or fir wahi sab hone lagta hai or hum kehtey hai ki chalo ek or muka detey hai kismat ko shayad is baar wo daga na kare.....phir bhi din ke akhri mei ek hi sawal reh jata hai ki kya sach mei kismat hoti hai......Agar han to kya wo sab kuch khud tey karti hai ki humare liye kon hai is duniya mei or kon nahi..kya hum sach much kismat ke hathon ki kathputli hai..ya fir ristey banna bigadna humari samjh ke upar hai..........kher ye sawal kabhi kuch to kabhi kuch lagtey hai...issai samjhne se acha hai jo aaraha hai zindgi mei ussai ane do..or jana chahta hai ussai jane do.....akhri mei wohi milta hai jiske hum hakdar hai.............
No comments:
Post a Comment